首局只攞到 1 分！WTT 法蘭克福冠軍賽女單首圈，港乒一姐杜凱琹以 1-3 不敵 20 歲德國主場球手卡芙曼（Annett Kaufmann），無緣次圈，連續兩站冠軍賽首圈止步。
杜凱琹首局仍未入局，俾呢位 20 歲左手將打出一局 1-11。第二局佢及時反撲，9 平手之下連贏 2 分，以 11-9 追回一局。第三局戰情激烈，杜凱琹戰至刁時負 12-14，第四局再輸 9-11，全場打咗 32 分鐘。
杜凱琹上星期先至喺 WTT 蒙彼利埃冠軍賽首圈止步，轉戰法蘭克福依然未能打開勝利之門。兩站都係首圈出局，關鍵分把握係最大問題：今場第三、四局都係打到局尾先輸，合共只係差幾分。
卡芙曼今場有主場觀眾打氣，首局就以強勁攻勢打懵對手，之後喺關鍵分亦夠膽出手，贏得相當有說服力。
想收看乒乓球直播或重播賽事？👉 立即聯絡 NowTV 官方銷售團隊